Vil du vere med og leie samfunnsoppdraget i kommunen vår?Surnadal kommune skal tilsette ein engasjert og tydeleg Kommunalsjef Livsløp som er opptatt av å utvikle eit inkluderande livsmeistringssamfunn frå "vogge til grav".Stillinga er ei ny nøkkelrolle i kommunedirektøren si strategiske leiargruppe, og du får ein unik sjanse til å forme rolla frå grunnen av. Stillinga vil ha stor gjennomslagskraft i lokalsamfunnet.
Samfunnsoppdraget vårt er å skape eit samfunn der alle innbyggarane kan oppleve tryggleik, vekst og eit godt liv gjennom heile livsløpet.
Kommunalsjef Livsløp har oppvekst og helse og omsorg som sitt arbeidsområde. Kva får du?
• Du får utøve leiing med stor gjennomslagskraft ved at du har det overordna ansvaret for å vidareutvikle og leie viktige tenesteområde i kommunen. Du får vide rammer til å utfordre det vi har i dag og drive fram prossar for kontinuerleg forbetring og innovasjon.

• Handtere omstilling gjennom å ha mot til å prioritere og leie organisasjonen gjennom endringsprosessar knytt til berekraft, ressursbruk og digitalisering.
• Bygge godt leiarskap ved å utvikle og motivere kompetente einingsleiarar. Du har som mål å styrke Surnadal kommune som ein attraktiv arbeidsgjevar.
• Assisterande kommunedirektør. Til stillinga ligg funksjonen som assisterande kommunedirektør. Innhald m.v i funksjonen vil bli avklart i dialog med kommunedirektøren vår og vil bli tilpassa den som får stillinga som kommunalsjef.

Kjerneoppgåver:Oppdraget ditt er å sikre forsvarleg, framtidsretta og samla drift og utvikling av tenesteområda i Livsløp-sektoren med fokus på:
• Strategisk utvikling: Utøve overordna fagleg, administrativt og økonomisk ansvar. Du sikrar at tenestene møter menneska der dei er.
• Endrings- og innovasjonsleiing: Vere ein pådrivar for innovasjon og med evne til å tilpasse tenestene og organisasjonen i takt med endringane i Surnadalssamfunnet.
• Leiarutvikling og personalansvar: Leie og motivere leiarane i sektoren og fremme ein kultur for samarbeid, åpen kommunikasjon og tillit, basert på kommunen sine verdiar.
• Politisk samhandling: Sikre god dialog og saksbehandling opp mot politisk nivå.

Kven er du?Du er ein samfunnsbyggar som er levande opptatt av folk og samhandling, og som evner å balansere mange omsyn.

Kvalifikasjonar:• Relevant høgare utdanning på bachelor- eller masternivå.
• Leiarerfaring frå komplekse organisasjonar, gjerne frå kommunal verksemd.
• Dokumenterte resultat frå endringsleiing, organisasjonsutvikling og budsjettansvar.
• Erfaring frå personalarbeid og oppfølging av medarbeidarar.
• God skriftleg og munnleg framstillingsevne.

Vi ser særleg etter deg som:• Er ein tydeleg og trygg leiar med god rolleforståing.
• Kan motivere tilsette med brei og god kompetanse innafor ulike fagområde.
• Har engasjement for å bygge "framtidskommunen" og evne til å gjennomføre endringar i det beståande.
• Er analytisk og har godt blikk ofr strukturert, systematisk og systemisk arbeid.

Personlege eigenskapar vil bli vektlagt høgt i vurderinga av kandidatane.

Vi tilbyr:• Ei interessant og spennande leiarstilling, der du får delta både i strategisk arbeid, samfunnsutvikling og drift av kommunen.
• Ei sentral rolle for deg som vil påvirke og vidareutvikle Surnadal kommune som ein attraktiv stad å bu og leve i.
• Lønn etter avtale.
• Konkurransedyktige vilkår med gode pensjons- og forsikringsordningar.

Søknad og prosess:

Vi ønskjer at arbeidsplassane i Surnadal kommune skal vere prega av mangfald og inkludering og at medarbeidarane vår skal spegle befolkninga i kommunen elles.

Ta gjerne kontakt med oss for ein uforpliktande og fortruleg samtale:MindMap v/partner Yngve Kruse, tlf 99393707MindMap v/partner Linda Kristin Offenberg, tlf 97644848Kommunedirektør i Surnadal kommune Lars Inge Kvande, tlf 95188822 

Om offentleggjering av søkarar: Surnadal kommune praktiserer meiroffentlegheit ved tilsettingar. Det inneber at du som for søkar må begrunne særskilt kvifor du ønsker unntak frå offentleggjering.  Kommunen vurderer eventuelle søknader om unntak etter reglane i offentleglova.

Dersom søknad om unntak ikkje blir innvilga, vil søkaren bli kontakta og får høve til å trekke søknaden på stilling før søkarlista blir gjort offentleggjort.

Link til søknadsskjema: Søk her